السياسات القوانين

🛡️ الدستور النهائي للمتجر (اقرأ قبل ما تتوهق)

يا هلا فيك.. عشان تكون الأمور واضحة بيننا ولا يصير فيه "قال وقلنا"، هذي القوانين هي الحكم. شرائك يعني إنك باصم بالعشرة على كل كلمة هنا:

1️⃣ حسابات الألعاب و "فورتنايت" (قوانين صارمة)

قاعدة الـ 60 دقيقة: معك ساعة واحدة بس من وقت ما يوصلك الحساب تشيك عليه. بعد الساعة هذي، المتجر يسكر ملف الطلب ولا نتحمل أي مسؤولية.

فخ الـ Support:

لو رحت كلمت دعم اللعبة (Epic Games أو غيرهم) وتقفل حسابك، لا تجينا تطالب. التواصل مع الدعم يعتبر "انتحار للحساب" وضماننا يسقط فوراً.

الربط والمواصفات: مسؤوليتك تتأكد إن الحساب يربط على جهازك. إذا شريت حساب وطلع "مربوط سابقاً" وأنت ما قريت الوصف، المتجر ما يرجع ريال.

تغيير الإيميل:

بعض الحسابات ما يتغير إيميلها إلا بعد فترة. لو حاولت تغيره قبل الوقت وتقفل الحساب، الضمان طار عليك.

### 2️⃣ نظام "الفيديو الذهبي" (للأكواد والبطاقات)

* **الفيديو الكامل:** تبي حقك؟ صوّر فيديو من **قبل لا تدفع** بالمتجر، ولازم تفتح الكود وتجربه بنفس المقطع وبدون أي "قص أو تعديل". لو المقطع فيه ثانية واحدة مقطوعة، شكواك مرفوضة.

* **غلطة المنطقة (Region):** شريت كود "ستور أمريكي" وحسابك سعودي؟ هذي مشكلتك. الكود بمجرد ما يطلع لك يعتبر "مستخدم" ولا يرجع ولا يتبدل.

### 3️⃣ الاشتراكات (نتفليكس، شاهد، يوتيوب)

* **ممنوع اللمس:** في الحسابات المشتركة، غيرت (اسم، صورة، رمز، أو ملف)؟ بيتم طردك فوراً و "بلوك" من المتجر وبدون تعويض. خلك على ملفك وبس.

* **تحديثات الشركات:** الشركات الكبيرة (مثل نتفليكس) أحياناً تغير قوانينها فجأة. إحنا نضمن لك الخدمة، ولو تعطلت بنعوضك بحساب بديل، لكن ما فيه استرجاع كاش.

### 4️⃣ خدمات الترفيع (Boosting)

* **خلك برا الحساب:** إذا بدأنا شغل، لا تدخل الحساب نهائياً. لو دخلت وخربت "سلسلة الفوز" أو تسببت بطرد الموظف، بنعتبر الطلب خلص ولا نرجع لك شي.

* **النقاط (MMR):** لو حسابك نقاطه طايحة وصعب يرتفع، بنكلمك نطلب زيادة بسيطة أو نغير الرتبة للي تناسبه.

### 5️⃣ سياسة الاسترجاع والفلوس (المهم)

* **لا يوجد استرجاع نهائي:** المنتجات الرقمية مو مثل الملابس ترجعها. بمجرد ما شفت الكود أو بيانات الحساب، فلوسك راحت في السلعة.

* **تعويض "رصيد":** لو صار فيه مشكلة من طرفنا وما قدرنا نحلها، بنعوضك "برصيد في المتجر" تشتري فيه اللي تبي، ما نرجع كاش للحساب البنكي.

* **رسوم تابي وتمارا والبطاقات:** لو وافقنا على استرجاع استثنائي، بنخصم رسوم بوابة الدفع (اللي ياخذها البنك) + 10 ريال رسوم إدارية.

### 6️⃣ حماية المتجر من "الاستقعاد" والابتزاز

* **التهديد والابتزاز:** لو هددت بـ "تقييم سيء" أو تشهير عشان تاخذ تعويض وأنت غلطان، بنسحب الحساب منك ونعطي بياناتك لكل المتاجر "القائمة السوداء" ونحظر جوالك وجهازك من الشراء للأبد.

* **البلاغات الكاذبة:** أي محاولة لفتح نزاع في البنك (Chargeback) بعد ما تستلم المنتج وتستخدمه، بنرفع فيك بلاغ "احتيال إلكتروني" للجهات المختصة.